تامىز ايىنىڭ سوڭىندا پرەزيدەنت قاسىم-جومارت توقايەۆتىڭ جارلىعىمەن قۇرىلعان ۇلتتىق قوعامدىق سەنىم كەڭەسى ءوز جۇمىسىن باستايدى. ارينە، اشىعىن ايتۋ كەرەك، ءالى دە پىكىرلەر شوعىرى ەكىگە جارىلىپ تۇر. ارينە، كۇمانمەن قارايتىنداردىڭ دا پىكىرىن باعالاۋ كەرەك. ولار «بۇعان دەيىن مۇنداي كەڭەستەر بولعان، ونىڭ جەمىسىن كورمەدىك» دەگەندى ايتادى. ءبىراق اقيقاتىن ايتۋ كەرەك، بۇل جولعى كەڭەستىڭ ءجونى بولەك. مۇنى بۇرىنعىلارمەن سالىستىرۋعا ەش بولمايدى. ويتكەنى ۇلتتىق قوعامدىق سەنىم كەڭەسىن پرەزيدەنت توقايەۆتىڭ ءوزى باسقارادى. دەمەك، كەڭەس كەلەلى ماسەلەلەردى ءسوز ەتەدى. مۇندا تالقىلانعان ماسەلەلەردىڭ بارلىعى بىردەن ورىندالۋى قيىن ارينە. ءبىراق قوعامنىڭ پىكىرىن، حالىقتىڭ ءۇنىن پرەزيدەنت توقايەۆتىڭ ءوزى ەستيدى. ەستىپ قانا قويماي، بولاشاقتا بىرتىندەپ جۇزەگە اساتىنىنا سەنىم بار.
سوندىقتان دا ۇلتتىق كەڭەسكە سەنىم كۇشەيەدى.
ارينە، پرەزيدەنت توقايەۆ قازىرگى كەزدە ءارتۇرلى سالادا رەفورمالاردى باستاۋعا دايار وتىر. مۇنى حالىقپەن تىكەلەي كەزدەسۋ جانە وعان قۇلاق اسۋ دەپ تۇسىنگەن ءلازىم.
ال ۇلتتىق قوعامدىق سەنىم كەڭەسى نە ءۇشىن قاجەت؟
- كەيىنگى كەزدە ءار جەردە جەكەلەگەن ازاماتتاردىڭ نارازىلىعى ارتتى. ماسەلەنى بۇلاي قالدىرا بەرۋگە بولمايدى. كەلەلى ماسەلە كوشەدە شەشىلمەۋى ءتيتىس.
- مۇنى بيلىك تە ءتۇسىندى. سوندىقتان بەلگىلى دارەجەدە وزگەرىستەر كەرەك.
- پرەزيدەنت توقايەۆتىڭ ۇلتتىق كەڭەستى شاقىرۋ تۋرالى جارلىعىندا وسىنداي ناقتى قادام جاتىر.
- مۇنى ەلباسى نازاربايەۆتىڭ جاساعان رەفورمانىڭ ساباقتاستىعى دەپ تۇسىنگەن ءجون.
- ۇلتتىق كەڭەستە تالقالانعان ماسەلەدەن كەيىن قوعامدا بەتبۇرىس كەزەڭى باستالاتىنىنا سەنىم بار.
- ۇلتتىق كەڭەستە كوپ ءنارسنىڭ اشىق تالقىعا سالىنۋى حالىقتىڭ بولاشاققا دەگەن سەنىمىن نىعايتادى.
- سونداي-اق بيلىكتىڭ حالىق الدىنداعى جاۋاپكەرشىلىگىن ارتتىرادى.
ارينە، ءبىز «ۇلتتىق كەڭەس نە ءۇشىن قاجەت؟» دەگەن ساۋالعا جاۋاپ بەرۋ بارىسىندا مۇنىڭ باستىلارىن عانا ءسوز ەتتىك. ءبىراق كەڭەسكە مۇشە ازاماتتار بۇل وتىرىستا حالىقتى تولعاندىرعان مەسەلەلەردى ەلدىڭ تالقىسىنا سالادى، پرەزيدەنتتىڭ الدىندا اشىق ايتادى. سوندىقتان پرەزيدەنت توقايەۆ وتىرىس بارىسىندا قوردالانعان كوپ ماسەلەلەردەن قۇلاعدار بولادى جانە ول الداعى ۋاقىتتا شەشىمىن تابادى دەپ ويلايمىز.
اسەل بولات قىزى
پىكىر قالدىرۋ